Dawei pan a leng Kumpi te neih Myanmar Airway pan khualzin mi apua Vanleng khat pen tu ni zingsang in Mingalardon vanleng tualpi ah lampi tal na accident khat piang hi cih ki za hi.
Sen bawl Xian MA 60 vanleng pen Yangoon International Airport ah zingsang lam nai 11 in a tuah na pan lampi tal hi in, a tuang mi khat zong liamna om lo hi cih Airport lam pan thunei te in gen hi.
"Vanleng pen lampi sik khial tal cih man mah hi. A tuang mi te bang mah cih lo hi." ci-in Airport nasem mi khat in gen hi.
Myanma Airway pan Xian MA 60 nam Vanleng nih pen Kawlgam sung zat ding in, December 1 ni pan a tai hi.
Accident na mun pen "Yangoon vanleng tualpi a tuak lam, fire tower om in, mitat motor te koih na lam ah piang a hi hi" ci-in Yangoon Airport pan khual zin mi khat in gen hi.
Xian MA 60 te pen Sen leh Philippine, Indonisia, Sir Lanka, Zimbabwe cih a khangto pan gamte ah ki zang lai in, Kawlgam ah nung kum sung in accident na 3 vei piang khin hi.
Myanma Airways in tu lai tak Vanleng ATR72s nih, ATR42 khat, F28s thum leh Xian MA-60 thum pen Kawlgam sung ah zan hi.
Source : Mizzima
0 comments:
Post a Comment